Main » 2008 » shtator » 5 » Trajnerët e futbollit zotohen për mbarëvajtje sa më të mirë të kampionatit
Trajnerët e futbollit zotohen për mbarëvajtje sa më të mirë të kampionatit
5:38:55 AM
Drejtuesit e Federatës së Futbollit të Kosovës, mbajtën sot një takim të përbashkët me trajnerët e klubeve të Superligës dhe të Ligës së parë, ku u bisedua për fillimin e kampionatit dhe mbarëvajtjen e tij.
Tema për të cilën u diskutua më shumë ndërmjet trajnerëve dhe drejtuesve të FFK-së ishte ajo e disiplinës, si nga ana e lojtarëve, po ashtu edhe e shtabit teknik. Krerët e FFK-së, Bekim Haxhiu, nënkryetar dhe Eroll Salihu, sekretar i përgjithshëm, kërkuan nga trajnerët e skuadrave që ta kryejnë sa më me korrektësi dhe profesionalizëm punën e tyre, duke eliminuar veprimet josportive. Nga ana tjetër, 19 trajnerët e pranishëm në këtë takim u zotuan se do të punojnë më shumë në këtë drejtim gjatë këtij kampionati. Do theksuar se ekseset e shumta përgjatë kampionateve të kaluara shpesh herë burimin e kanë pasur nga bankinat e skuadrave, me apo pa presion të kryesisë. Se sa do të jenë të fjalës trajnerët e skuadrave, se ata më nuk do të jenë shkas i ndonjë parregullsie dhe eksesi në fushën e gjelbër mbetet të shihet në vazhdim të kampionatit.
