Main » 2008»shtator»2 » Ministri Limaj vizitoi punimet për asfaltimin e rrugës Hoçë e Madhe-Jeshkovë
Ministri Limaj vizitoi punimet për asfaltimin e rrugës Hoçë e Madhe-Jeshkovë
5:58:52 PM
Ministri i Transportit Fatmir Limaj dhe kryetari i Prizrenit vizituan sot punimet, të cilat po vazhdojnë, për ndërtimin dhe asfaltimin e rrugës Hoçë e Madhe-Jeshkovë të rajonit të Vrrinit, të Prizrenit. Gjatë vizitës ministri Limaj theksoi se me asfaltimin e kësaj rruge ne po vazhdojmë të kontribuojmë që banorët e kësaj zone, të mos kenë nevojë që për shkak të kushteve jo të mira të shpërngulen në zonë.
Sipas ministrit Limaj projekti i asfaltimit të rrugës në gjatësi prej rreth 2 kilometrave, ka kushtuar rreth 300 mijë euro, që është bashkëfinancuar komuna dhe ministria.
Janë udhëheqësit komunal të cilët kanë gjetur rëndësinë e prioriteteve të asfaltimit të rrugëve të rajonit të kësaj komune, theksoi ministri Limaj, ndërsa kryetari i komunës së Prizrenit, Ramadan Muja falënderoi ministrin Limaj për gatishmërinë e realizimit të një projekti kaq të rëndësishëm, sepse me asfaltimin e kësaj rruge shkurtohet dhe lehtësohet qarkullimi i banorëve të këtyre fshatrave. Gjatë kësaj vizite, ministri Limaj ishte i pranishëm edhe në solemnitetin e dhjetëvjetorit të betejës së Jeshkovës të luftës së UÇK-së.
